ඉතිහාසය

දකුණු ලක ගිරුවාපත්තුවට නව එළියක් දැල්වීමට මග සලසමින් බෙලිඅත්ත මහා විද්‍යාලය නම් වූ ශිල්පාගාරයේ ආරම්භය

1947 වර්ශයේ වෙසක් මස 05 වන දා පුජ්‍ය ඩබ්. පඤ්ඤාතිස්ස නා හිමියන් සහ දානපති කේ.එස්.ටී කරෝලිස් සිල්වා මැතිතුමා විසින් පරිත්‍යාග කරන ලද භූමියෙහි බෙලිඅත්ත ජුනියර් පාඨශාලාව ආරම්භ විය.

එකල සමාජ සේවා ආයතනයක් වු බාලාභිවෘද්ධි සාධක සමිතිය මගින් ඇරඹි මෙම පාසලේ මුල්ම ශිෂ්‍යයින් දෙදෙනා සහ ශිෂ්‍යාවන් දෙදෙනා අද කොතනක හෝ සිට ආඩම්බර වනු  නියතය.

පාසල ආරම්භ කරනු ලැබු අවස්ථාවේ පාසල් ගොඩනැගිල්ලේ වැඩ අවසන්ව නොතිබි බැවින් පෙ.ව 8.48 යෙදුණු සුභ මොහොතේ පඤ්ඤාසාර පිරිවෙන් ශාලාවේදී පාඨශාලාව ආරම්භ කෙරිනි.එහි මුල් ම විදුහල්පතිවරයා වීමේ ගෞරවය ලද්දේ එඩ්වින් සිල්වා මහතාය.

1957 දුරුතු මස තුන්වන දිනය ද විදුහල් මව්තුමියට තවත් අභිමානවත් සිහිවටනයකි.”The school is upgrade in to senior school and will know as H/ Beliatta Senior School “යනුවෙන් ඇයගේ ඉතිහාසය තුල එදින ලියවී ඇත.

රූමත් යෞවනයට  ඇයගේ යුග මෙහෙවර පරිනත බවට පත් වුයේ 1967 ඇසල මස 21 වන  දින දීය. රාජ්‍ය උප ඇමති  ගරු ඩී.ඩී අතපත්තු මැතිතුමා විසින් විද්‍යාලයේ නව රසායනාගාරය විවෘත කරමින් දරුවන්ට විද්‍යාලෝකය ලබාදීමට වරම් ලබා දී ඇත.  1972 වර්ෂයේ  අ.පො.ස (උ.පෙළ) පන්ති කරවීම කෙරෙනි. තවද 1975 වර්ෂයේදී බෙලිඅත්ත රාජ සභා නියෝජිත ගරු මහින්ද රාජපක්ෂ  මැතිතුමා අතින් උසස් පෙළ රසායනාගාරය  විවෘත කරමින් මෙම අංශය ප්‍රතිපුරණත්වයට පත් කරන ලදී.

විද්‍යාලයේ පරිපුර්ණත්වයට අවශ්‍ය බොහෝ අංග උපාංග 1970  දශකයේ එක් වී ඇත. 1977 දී උසස්පෙළ ගෘහ විද්‍යාව විෂය ධාරාවද  තම දරු කැලට ලබා දීමට පාසල් මාතාව පොහොසත් වුවාය.

1977 වෙසක් මස 5 වන  දින පාසල් පුස්තකාල ගොඩනැගිල්ල හා දන්ත චිකිත්සාගාරය විවෘත කිරීම බෙලිඅත්ත රාජ්‍ය සභා නියොජ්‍ය ගරු මහින්ද රාජපක්ෂ මැතිතුමා අතින් සිදු කෙරිනි.

බෙලිඅත්ත විදුහල් මෑණීගෙන් සමාජයට ඉටු වු සේවාව තවත් වර්ධනය කිරීමේ අරමුණින් 1948.01.13 වන දින සිට මධ්‍ය මහා විද්‍යාලයක් බවට උසස් කෙරිනි.

පුරා වසර 37ක් මිශ්‍ර පාසලක් ලෙස පැවති බෙලිඅත්ත මැදි විදුහල් මාතාව සිය දයාබර දියණිවරුන්  තම සොයුරිය වන පුවක්දණ්ඩාව ධම්මපාල බාලිකාවට භාර දෙමින් 1995.01.03  වන දින සිට බාලක විද්‍යාලයක් බවට පත් විය.

පාසලට අඩු පාඩුවක් පැවති බුදු මැදුර 1997.02.24 වන දින කම්කරු හා වෘත්තිය පුහුණු ගරු ඇමති මහින්ද රාජපක්ෂ මැතිතුමා අතින් විවෘත විය.

 බෙලිඅත්ත මැදි විදුහලේ මෑණිය 2021 ජුනි මස නව මාවතකට යොමු වෙමින් ජාතින පාසලක් බවට පත් විය.